Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 88 | Cic. Luc. 90 () | >>Cic. Luc. 92 |
89Quid loquar
de insanis : qualis tandem fuit adfinis tuus Catule
Tuditanus , quisquam sanislsimus tam certa putat quae
videt quam is putabat quae videbantur ? quid ille
qui 'video video te ; vive [Note] Ulixes dum licet ' [Note] nonne
etiam bis exclamavit se videre , cum omnino non videret ; quid apud Euripidem Hercules , cum ut Eurysthei
filios ita suos configebat sagittis , cum uxorem interemebat , cum conabatur etiam patrem , non perinde
movebatur falsis ut veris moveretur ; quid [Note] ipse Alcmeo
tuus , qui negat cor sibi cum oculis consentire , nonne
ibidem incitato furore 'unde haec flamma oritur ' [Note] et
illa deinceps 'incede incede , adsunt me expetunt '; quid
cum virginis fidem implorat :
-- -- qui magis
haec crederet si essent quam credebat quia
videbantur ; apparet enim iam cor cum oculis consentire . Omnia autem haec proferuntur ut illud efficiatur , quo certius nihil potest esse , inter visa vera
et falsa ad animi adsensum nihil interesse . vos autem
nihil agitis , cum illa falsa [Note] vel furiosorum vel somniantium recordatione ipsorum refellitis . non enim id
quaeritur , qualis recordatio fieri soleat eorum qui experrecti sunt [Note] aut eorum qui furere destiterint , sed
quails visio fuerit aut furentium aut somniantium tum
cum movebantur . [Note]
'
'
Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 88 | Cic. Luc. 90 () | >>Cic. Luc. 92 |